«Шарқ» нашриёт-матбаа акциядорлик компаниясининг 24,6 фоиз акциялари сотувга қўйилди, деб ёзади Spot Хусусийлаштирилган корхоналарга кўмаклашиш ва рақобатни ривожлантириш давлат қўмитасига таяниб.
Акциялар пакети 11,2 миллион доллар нархда сотилмоқда.
«Шарқ» нашриёт-матбаа акциядорлик компанияси тарихи 1921 йилда ташкил этилган босмахона ва 1924 йилда тузилган «Средазкнига» нашриётидан бошланган. Кейинчалик эса иккита мустақил тузилманинг республикадаги барча газета ва журналларни нашр қиладиган ва чоп этадиган ягона нашриёт-матбаа мажмуасига бирлаштирилиши амалга оширилган эди.
1991 йилда газета-журнал комплекси ва босмхонаси Ўзбекистон Республикаси Президенти Девони Ишлар бошқармаси ҳузуридаги «Шарқ» нашриёт-матбаа концернига айлантирилган эди.
Бугунги кунда «Шарқ» нафақат Ўзбекистон Республикасида, қолаверса бутун Марказий Осиёда бирдан-бир энг йирик газета-журнал комплекси ҳам ҳисобланади.
Компаниянинг асосий акциядори Давлат активларини бошқариш маркази бўлиб, у компания акцияларининг 95 фоизига эгалик қилади.
Изоҳ (0)