Африкадан топилган ҳайвон қолдиқлари қайси мавжудотга тегишли эканлиги аниқланди

Намибиядаги Дороб миллий боғи соҳилида сирли денгиз жониворига тегишли қолдиқлар топилди, деб хабар беради Daily Mail.

Денгиз биологи Саймон Элвеннинг фикрига кўра, ушбу топилма дастлаб мутахассисларни ўйга толдирган. Мавжудотда ҳам китга, ҳам делфинга хос белгилар бор эди.

«Мавжудотнинг танаси кучли чиригани боис, уни китга ўхшатиш қийин эди. Бундан ташқари, ижтимоий тармоқларда турли гап-сўзлар тарқалди», — дейди Элвен.

Олимнинг сўзларига кўра, чириш даражаси жониворнинг қирилиб кетиш сабабларини аниқлашга халал берган. Унинг пастки жағи чил-чил синган эди, бироқ бу зарарланиш унинг ўлимидан сўнг олинган бўлиши мумкин эди. Тадқиқотчилар жониворнинг боши ва тумшуғи шаклига асосланиб, унинг тумшуқдор эканлигини аниқлади.

«Мен ҳодисадан ажабландим. Чунки улар сув юзасига камдан-кам ҳолларда чиқади», — дейди Элвен.