Айсбергларни кузатиш мумкин бўлган дунёдаги энг ажойиб маскан Лабрадор ва Ньюфаундленд қирғоқлари ҳисобланади. Яқинда бу ерда ноодатий шаклга эга муз парчаси пайдо бўлди, деб хабар беради National Geographic.
Лабрадорнинг шарқий қирғоғи билан Ньюфаундленд оролининг жанубий қирғоғи орасида «Айсберглар водийси» жойлашган: бу ерга улкан муз бўлаклари минг йилдан буён сузиб юради. Соатига 7 километр тезликда ҳаракатланадиган музлар Баффин денгизи ва Атлантика океани орқали Гренландия оролидан келади.
Ҳар мавсум бу ерда 400 тадан 800 тагача турли ўлчамдаги музларни учрастиш мумкин. Айнан шу турдаги муз бўлаклари оқибатида 1912 йил «Титаник» кемаси ҳалокатга учраган. Ҳозирги кунда эса айсбергларнинг ҳаркатини махсус хизмат кузатиб боради.
Яқинда Apper Amxerst Kov шаҳри қирғоқларида ўртасида тешиги бор, кўринишидан эртаклардаги қасрларни ёдга солувчи айсберг пайдо бўлди. Денгиз тўлқинлари ушбу муз бўлагини қирғоққа чиқариб ташлаган. Бироқ ҳозирда мазкур муз парчаси деярли эриб кетгани айтилмоқда.
Изоҳ (0)