2017 йилнинг апрелида Стокгольмда теракт содир этган Ўзбекистон фуқароси Раҳмат Оқиловга нисбатан суд ҳукми бугун, 7 июнь куни ўқилади. Бу ҳақда Стокгольм судига асосланиб, Sputnik хабар берди.
Суд эшитуви 13 февралдан 2 майга қадар бўлиб ўтди.
Қораловчи томон Оқиловга бир умрлик қамоқ жазосини тайинлашни, муддат ўтаб бўлинганидан сўнг, айбланувчини Швецияга бир умрга киритмаслик шарти билан мамлакатдан чиқариб юбориш лозимлигини сўраган.
Швецияда бир умрга озодликдан маҳрум қилиш жазоси камида 18 йил бўлиб, ушбу муддат тугаганидан сўнг, маҳкум суддан жазони ўзгартириш ёки қамоқ муддатини камайтиришни сўраши мумкин.
«Мазкур ҳолат теракт ёки алоҳида содир этилган жиноят сифатида баҳоланишидан қатъий назар жиноятчи умрбод қамоқ жазосига маҳкум этилади», — дейди айбланувчининг адвокати Йохан Эрикссон.
Изоҳ (0)