Мамлакатдаги 250 мингта терминалларнинг 95 фоизи China UnionPay’ни, 45 фоизи (112 минг) — MasterCard’ни қабул қилмоқда. Бир неча кун ичида қурилмалар Visa ва «Мир» карталарини ҳам қабул қилишни бошлайди. Бу ҳақда Ягона умумреспублика процессинг маркази директори Ахрор Маҳмудов маълум қилди, деб хабар беради Spot.
Аввалига одамларнинг фикрини ўзгартириш осон бўлмайди. Биз банк карталарини бошқариш маданиятини яратиш зарурлиги ҳақида бир неча бор таъкидлаганмиз. Мерчантлар, яъни сотувчи ва хизмат кўрсатувчилар одамлардан пин-кодни сўрамасликлари лозим. Хорижда ўз паролингизни танимаган одамингизга айтиш одобсизлик ва тартибсизлик ҳисобланади. Шунинг учун чет элда карта эгасининг ўзи кодни терминалга мустақил киритади. Ўзбекистонга келган туристлардан сотувчилар пин-кодни сўраганида улар қанчалик ҳайратга тушишини тасаввур қилиб кўринг энди. Умид қиламанки, бир-икки ойдан кейин фақатгина UzCard карталарини қабул қилган терминаллар тарихга айланади.Тўрт турдаги тўлов тизимларини июлдан мамлакатнинг барча нуқталарида қабул қилиш бошланади. Ягона умумреспублика процессинг маркази барча терминаллар паркини битта халқаро тизимга мўлжаллаб съзлаб чиқса, қолганларини бир неча кун ичида автоматик янгилаш функцияси ёрдамида улаш мумкин бўлади.Ахрор Маҳмудов, Ягона умумреспублика процессинг маркази директори
Бундан ташқари UzCard тизимида ишловчи банкоматлар UnionPay ва MasterCard’ни қабул қилишни бошлади.
Изоҳ (0)