Дунёдаги энг катта Фаберже заргарлик коллекцияси соҳиби ва Баден-Баден (Германия)даги Фаберже хусусий музейи асосчиси Александр Иванов Буюк Британия ташқи ишлар вазирлигининг чегара хизматини унинг санъат буюмлари коллекциясидаги баъзи ноёб буюмларга зарар етказганликда ва сотганликда айбламоқда, деб ёзади «РБК».
Иванов божхоначиларни вандализмда айблади. Унинг сўзларига кўра, унинг антиквариатлар коллекциясидаги баъзи буюмлар йўқолган, зарар кўрган ва ҳатто сотиб юборилган. Етказилган зарарни у 600 минг фунт стерлинг (803 минг доллар)га баҳоламоқда.
Бунда гап унинг Германиядаги Фаберже музейига юборилиш йўлида вақтинчалик ушлаб қолинган буюмлар ҳақида бормоқда. Иванов етишмаётган қимматбаҳо буюмларни зудлик билан қайтаришни талаб қилиб, зарарни қоплаш талаби билан судга бериш ҳақида таҳдид қилмоқда.
Изоҳ (0)