British American Tobacco Uzbekistan қўшма корхонаси узоқ танаффусдан сўнг Қирғизистон ва Туркманистонга сигарет экспорт қилишни қайта тиклади. Бу ҳақда Sputnik хабар берди.
Самарқанддаги сигарет фабрикаси маҳсулотларнинг дастлабки туркумини Бишкекка жўнатди.
«2018 йилнинг 1-чорагида узоқ йиллик танаффусдан сўнг Қирғизистон ва Туркманистонга тамаки маҳсулотларини экспорт қилиш бўйича дастлабки шартномалар имзоланди. Қозоғистон, Тожикистон ва Муғулистонга маҳсулот етказиб бериш бўйича музокаралар якуний босқичда. BAT Uzbekistan маҳсулотлари учун мазкур бозорлар экспорт салоҳияти йилига 15 миллион долларни ташкил этади», — дея маълум қилди компания мутасаддилари.
Маълумот учун, охирги ўн йил давомида корхона тайёр маҳсулотлари экспорти мунтазам бўлмаган тарзда амалга оширилганди. Ўтган вақт давомида асосан Ўзбекистонда етиштирилган тамаки хом ашёси экспорт қилиниб келган.
Изоҳ (0)