Ўзбекистонда Хитой ва Ҳиндистоннинг етакчи ишлаб чиқарувчилари билан ҳамкорликда мотоцикл техникасини чиқариш бўйича бир йўла иккита заводни ишга тушириш режалаштирилмоқда, деб ёзади Sputnik.
«Наманган вилоятида Хитойнинг Lifan компанияси билан янги корхона очилади. У ерда скутер, мотоцикл ва уч ғилдиракли юк мотороллерлари ишлаб чиқарилади… Заводни Норин механика заводи базасида йил охиригача ишга туширишни режалаштирмоқдамиз», — деди «Ўзавтосаноат» раҳбари Умиджон Салимов.
Унинг сўзларига кўра, Ўзбекистон томони эски хатоларини такрорламоқчи эмас, шу сабабли ушбу сегментда рақобатни ривожлантиради. Шу мақсадда, деди у, «Ўзавтосаноат» бундай лойиҳадан яна биттасини Ҳиндистоннинг Bajaj компанияси билан ҳамкорликда ишга туширади.
«Навоийда Ҳиндистон бозорининг етакчиларидан бири — Bajaj билан заводни ишга тушириш устида ишлаяпмиз. Биз улар билан музокаралар олиб боряпмиз», — деди Салимов.
Изоҳ (0)