Самарқанд вилоят электр тармоқлари корхонасига қарашли бўлган «Боғизағон НИМ» станциясида иккинчи тоифали навбатчи электромонтёр бўлиб ишлаб келган фуқаро ўзи ишлаётган корхона қоровулхонасида фоҳишахона ташкил қилган. Жиноят Тайлоқ тумани ИИБ ходимлари томонидан ўтказилган тадбир давомида аниқланган: ИИБ ходимлари томонидан тадбир иштирокчиси сифатида жалб қилинган «Ортиқ» ва «Юлдуз» исмли шахсларга электр станция ходими 40 000 сўм эвазига жинсий алоқа қилишлари учун жой ажратиб берган, дея хабар бермоқда «Дарё» мухбири Фарҳод Норбўтаев.
Фуқаро 2010 йилдан бери электр тармоқлари корхонасида ишлаб келган. У 2014 йилдан Самарқанд вилояти ЭTКга қарашли «Боғизағон НИМ» ҳудудий станциясида электромонтёр бўлиб ишлай бошлаган.
Жиноят ишлари бўйича Тайлоқ туман суди судьясининг суд ҳукмига кўра судланувчи Ўзбекистон Республикаси Жиноят Кодексининг 131-моддаси (фоҳишахона сақлаш ёки қўшмачилик қилиш) 2-қисмида назарда тутилган жиноятни содир этганликда айбдор деб топилиб, унга 3 йил муддатга озодликни чеклаш жазоси тайинланди.
Изоҳ (0)