Саудия Арабистони Доха Москвадан С-400 зенит-ракета комплексларини сотиб олган тақдирда Қатарга қарши ҳарбий ҳаракатлар билан дағдаға қилди. Бу ҳақда «Корреспондент.net» хабар бермоқда.
Ар-Риёд Россия ва Қатарнинг музокараларидан ташвиш билдирди. Олдинроқ Россия зенит-ракета комплексларини харид қилиш режалари ҳақида Қатарнинг Москвадаги элчиси Фаҳд ал-Аттий маълум қилганди.
Le Monde нашрига кўра, Ар-Риёд расмийларининг Франция президенти Эммануэль Макронга йўллаган мактубида Саудия Арабистони С-400 Қатарда жойлаштирилмаслиги учун барча зарур чоралар, жумладан, ҳарбий ҳаракатларга ҳам тайёр эканлиги билдирилган.
Изоҳ (0)