Абдулфаттоҳ ас-Сисий Миср президенти ваколатларини бажаришга киришди. У Қоҳирадаги Миср парламенти биносида ўтган тантанали маросимда мамлакат президенти сифатида қасамёд қилди. Бу ҳақда «Коммерсантъ» хабар бермоқда.
Қасамёд матнига кўра, Миср давлат раҳбари республика тузумини сақлаши, конституция ва қонунларни ҳурмат қилиши, халқ манфаатлари ҳақида тўлиқ қайғуриши, мамлакат мустақиллиги, унинг дахлсизлиги ва ҳудудий яхлитлигини муҳофаза қилиши шарт.
Абдулфаттоҳ ас-Сиси президент сайловида 97,08 фоиз овоз билан яққол ғалабага эришган эди. Сайлов президент танлаган тараққиёт йўли халқ томонидан қўллаб-қувватланишини намойиш этади, деб тахмин қилинган эди, бироқ кутилмаганда сайловда кўпчилик сайловчилар қатнашмади.
Маълумот учун, Абдулфаттоҳ ас-Сисий иккинчи тўрт йиллик муддатга Миср президенти этиб сайланган.
Изоҳ (0)