Испания социалистик ишчи партияси (ISIП) етакчиси Педро Санчес 2 июнь, шанба куни Сарсуэла қироллик саройида қасамёд қилиб, мамлакат бош вазири лавозимига расман киришди. Бу ҳақда «Коммерсантъ» хабар бермоқда.
Санчес атеист экани боис, у қўлини Муқаддас китоб (Библия) ва хочга қўймай қасамёд қилган Испания тарихидаги илк бош вазир бўлди. Ундан қасамёдни давлат раҳбари — қирол Фелипе VI қабул қилиб олди.
1 июнь куни парламент депутатлари замонавий Испания тарихида илк бор амалдаги ҳукуматни кўпчилик овоз билан истеъфога чиқарган эди — Мариано Рахой ҳукуматига ишончсизлик вотуми билдирилди. Бунга Рахой бошчилик қиладиган ўнг-марказчи Халқ партияси аъзоларининг коррупциявий можарога аралашиб қолгани сабаб бўлди.
Изоҳ (0)