Ўзбекистон давлат солиқ қўмитасининг собиқ раиси Ботир Парпиевнинг биринчи ўринбосари лавозимида ишлаган Абдусалом Йўлдошев 28 май куни қўлга олинган ва Фарғона водийси вилоятларидан бири орқали Тошкентга келтирилган. Бу ҳақда ўз манбасига таяниб, «Kun.uz» хабар берди.
Айни пайтда 51 ёшли Абдусалом Йўлдошев Давлат хавфсизлик хизматининг тергов изоляторида ушлаб турилибди.
Жорий йилнинг январь ойида Қашқадарё вилоят давлат солиқ бошқармаси бошлиғи сифатида иш бошлаган Абдусалом Йўлдошев айнан қайси жиноий иш доирасида қўлга олингани номаълум.
Йўлдошев ўз меҳнат фаолиятининг турли йилларида Андижон вилояти ва Тошкент шаҳрида давлат солиқ бошқармаси бошлиғи сифатида ишлаган. 2012 йилнинг февралида Давлат солиқ қўмитаси раиси биринчи ўринбосари этиб тайинланган эди.
Абдусалом Йўлдошев қўлга олинганидан бир кун ўтиб, 29 май куни президент Шавкат Мирзиёев видеоселектор йиғилишида Давлат солиқ қўмитаси собиқ раҳбари, 11 май куни лавозимидан озод қилинган Ботир Парпиев ва у етакчилик қилган тизимдаги аҳвол ҳақида гапирган эди.
«Яна бир муҳим масала — маҳаллий бюджетга тушум ҳажми. Давлат солиқ қўмитаси раҳбарини (Ботир Парпиевни — таҳ.) алмаштирганим бежиз эмас, сабаби — бизда солиқ тизими йўқ. Ҳали иш кўп. Солиқда ҳам кўп ўйинлар бўлгани, раҳбарияти қандай ишлар билан шуғулланганидан ҳайрон қолдим. Ҳали уни ҳам халқимизга етказамиз.Май ойининг охирида Ботир Парпиевга алоқадор шахслар ишдан олинаётгани, унинг ўзи эса стационарга тушиб қолгани хабар қилинганди.Солиқчининг савияси йўқ, десак, бу ҳам адолатдан бўлади. Шунинг учун бугун топшириқ бердим, тегишли қарор тайёрланади, ҳаммасини нолдан бошлаш керак — солиқ тизимидаги Академияни ҳам, бошқасини ҳам. Қуйи поғонадаги солиқчилар нима қилиш керак, қандай ишлаш кераклигини билмайди. 70 фоизи коррупция билан боғлиқ, мана шуни ҳамма билиши керак.
Шавкат Мирзиёев, Ўзбекистон Президенти
2004 йилдан буён Давлат солиқ қўмитаси раиси лавозимида ишлаб келган 72 яшар генерал Ботир Парпиев жорий йилнинг 11 майида томонидан ўз вазифасидан бўшатилиб, Фуқароларнинг ўзини ўзи бошқариш органлари фаолиятини мувофиқлаштириш бўйича Республика Кенгаши раиси ўринбосари этиб тайинланганди.
Изоҳ (0)