1 июнь куни Ғазо секторида ҲАМАС вакиллари ва Исроил армияси ўртасидаги тўқнашувларда фаластинлик ҳамшира Разан ал-Нажар ҳалок бўлди, деб хабар беради «Корреспондент.net».
Қайд этилишича, 21 ёшли волонтёр-ҳамшира Хан-Юнис шаҳрининг шарқий томонида жойлашган чегара тўсиқлари яқинида яраланганларга ёрдам кўрсатмоқчи бўлганида ўлдирилган.
Гувоҳларнинг сўзларига кўра, Нажар исроиллик аскарлар унга қарат ўқ узган пайтда қўлини кўтарган, у ўша пайтда тиббий хизматчилар кийимида бўлган.
Аввалроқ, исроиллик ҳарбийлар улар фақат хавф туғдирувчи кимсаларга қарата ўқ узишини, бироқ айрим ҳолларда ўткинчилар ҳам жароҳатланишини маълум қилган эди.
Исроил армияси алоҳида баёнотида ушбу ҳужум чегаранинг бешта ҳудудида фаластинликларнинг қаршиликлари кучайгани учун амалга оширилганини маълум қилди.
Изоҳ (0)