АҚШнинг Коллеж-Стейшн шаҳрида заргарни ўзининг 19 ёшли ўғли томонидан ёлланган қотил отиб ўлдирди. Бу ҳақда Fox News хабар берди.
Жорий йилнинг 2 март куни 55 ёшли Теодор Шонесси яшайдиган уйга номаълум киши кирган. У эркакка бир неча марта ўқ узган, унинг итини ўлдирган, ундан кейин эса яширинган. Заргарнинг рафиқаси тирик қолган ва полиция чақирган.
Полиция томонидан гумон қилинишича, қотиллик ортида заргарнинг 19 ёшли ўғли Николас Шонесси турган. Маълум бўлишича, у бир неча ой давомида пул эвазига қотилликни амалга оширишга тайёр кишини излаган. Ўғилнинг сўзларига кўра, ота-онасининг ўлими учун суғурта пули, уларнинг уйи ва заргарлик дўконини сотиш қарийб саккиз миллион доллар олиб келади.
Қотил ҳали топилгани йўқ. Николас Шонессининг уйидан жиноят вақтида фойдаланилган ўқ-дори билан бир хил ўқлар топилган. Шунингдек, ўғилнинг рафиқаси ҳам қўлга олинган, улар қотилликда айбланмоқда.
Изоҳ (0)