Ўзбекистон Президенти Шавкат Мирзиёев 1 июнь куни Қибрай туманидаги аэродромда амалга оширилаётган ишларни бориб кўрди. Бу ҳақда Президент матбуот хизмати хабар бермоқда.
Президентнинг 2017 йил 30 июндаги қарори асосида бу ерда 2018—2020 йилларда бизнес авиацияси учун замонавий аэропорт қурилиши белгиланган. Лойиҳани икки босқичда амалга ошириш — биринчи босқичда 4 километрлик учиш-қўниш йўлаги ва соатига 250 йўловчини ўтказиш имкониятига эга терминал барпо этиш, иккинчи босқичда эса қўшимча инфратузилма объектлари, меҳмонхона мажмуаси қуриш режалаштирилган.
Аэропортда энг катта юк ташувчи самолётларни қабул қилиш ва уларга хизмат кўрсатиш учун барча шароит яратилади. Ҳозирги кунда бу ерда лойиҳалаштириш ва умумий қурилиш ишлари бошланган. Эски учиш-қўниш йўлаги бутунлай олиб ташланмоқда.
Президент Шавкат Мирзиёев мазкур ишларни кўздан кечирди. Аэропортда бунёд этиладиган объектлар лойиҳаларини такомиллаштириш бўйича кўрсатмалар берди.
Хорижий делегацияларни кутиб олиш биноси миллий маданиятимизни, бағрикенглигимизни кўрсатиб турсин. Самолётдан тушган одамнинг кайфиятини кўтарадиган, меҳмонларга ва ишбилармонларга ҳар томонлама маъқул келадиган бўлсин.Президент қурилишда иссиқ ранглардан кўпроқ фойдаланиш, аэропорт ҳудудини кўкаламзорлаштириш, дренаж тизимини оқилона йўлга қўйиш зарурлигини таъкидлади.Шавкат Мирзиёев, Ўзбекистон Президенти
Изоҳ (0)