2050 йилга бориб Ер аҳолисининг 50 фоизи узоқни яхши кўра олмайдиган бўлади, бу кўп жиҳатдан ахборот технологияларининг ривожи билан боғлиқ. Бу ҳақда офталмология бўйича россиялик доцент Татьяна Павлова маълум қилди, деб ёзмоқда «РИА Новости».
Экспертнинг айтишича, миопиядан азият чекадиган одамлар сони йил сайин ошиб бормоқда. Россияда болалар ва ўсмирлар ўртасидаги миопия ҳолатлари 10 йилда 1,3 марта ошган.
Унинг сўзларига кўра, дунё статистикаси прогнозлари 2050 йилда 50 фоиз аҳоли узоқни яхши кўра олмайдиган бўлишини кўрсатмоқда. Бунда 10 фоиз ҳолатда касаллик юқори даражада бўлади, қарийб бир миллион киши кўр бўлади.
Изоҳ (0)