«Muloqot.uz» ижтимоий тармоғи ўз фаолиятини вақтинчалик тўхтатишини маълум қилди. Ижтимоий тармоқ вакиллари бу борада расмий баёнот тайёрлади. Айни пайтда мурожаат сервис фойдаланувчиларига юборилмоқда. Унда ижтимоий тармоқ фаолияти вақтинчалик тўхтатилаётганига урғу берилган.
Ассалому алайкум, ҳурматли фойдаланувчи!«Muloqot.uz» 2011 йили Simple Networking Solutions МЧЖ томонидан ишга туширилган эди. Ижтимоий тармоқ бошқа муқобиллардан бир қанча жиҳатлари, жумладан, рус ва ўзбек тиллардаги интерфейс, SMS-интерфейс, Tas-IX зонасида эканлиги ва ҳоказолар билан фарқ қиларди.Сизга шуни маълум қиламизки, лойиҳани янада такомиллаштириш ва техник сабабларга кўра «Muloqot.uz» ижтимоий тармоғи ўз фаолиятини ВАҚТИНЧА тўхтатмоқда. «Muloqot.uz» тармоғидан фойдаланиш имконияти вақтинчалик тўхталиши 3.06.2018 да амалга оширилади.
Келтирилган ноқулайлик учун ижтимоий тармоқ маъмурияти узр сўрайди. «Muloqot.uz» ижтимоий тармоғининг янгиланган версияси ишга туширилганда, барча фойдаланувчилар электрон почта орқали хабардор қилинади (агар фойдаланувчи шахсий маълумотларида e-mail манзилини киритган бўлса).
Ижтимоий тармоқ Ҳуқуқ эгалари палатаси ва Муаллифлар гильдияси билан лицензион келишувлар имзолаган бўлиб, бунинг натижасида сайтда мусиқа тинглаш, плейлистлар яратиш ва уларни улашиш мумкин эди.
2012 йил лойиҳа дизайни ва функсионали янгиланди, компьютерда ҳам, телефонда ҳам хабар алмашиш имконияти туғилди, «Футбол» бўлими очилди ва бошқа янгиликлар жорий этилди. Ўшанда ижтимоий тармоқда 28 минг киши рўйхатдан ўтган, ундан ҳар куни 3 минг киши фойдаланар эди.
Ўша йили «Muloqot.uz» UZ домени миллий интернет-фестивалида «Тармоқ сервислари соҳасидаги энг яхши сайт» номинациясида ғолиб бўлди.
Изоҳ (0)