Кеча, 28 май санасида бир нечта ўртоқлик учрашувлари бўлиб ўтди.
Жумладан, Жаҳон Чемпионатида Осиё қитъасини шарафини ҳимоя қилувчи Жанубий Корея Ҳондурас термасига қарши ўртоқлик учрашувида 2:0 ҳисобидаги ғалабани тантана қилди.
Карлуш Кейруш бошчилигидаги Эрон миллий терма жамоаси эса Туркияга қарши майдонга тушиб, 1:2 ҳисобида имкониятни бой берди. Женк Тосуннинг икки голига эронликлар фақатгина бир марта — 90-дақиқада Ашкан Дежаганинг пенальтидан киритган голи билан жавоб қайтарди, холос.
Осиё қитъаси номидан мундиалда иштирок этадиган яна бир терма жамоа — Саудия Арабистони эса яқиндагина янги бош мураббий — Роберто Манчини қўли остига ўтган Италия терма жамоасига қарши кураш олиб бориб, 1:2 ҳисобида мағлуб бўлди. Эътиборлиси, голлардан бири узоқ йиллик танаффусдан сўнг термага қайтган Марио Балотелли томонидан урилди.
Маълумот учун ФИФА кунлари доирасида 7 июнь куни футбол бўйича Ўзбекистон миллий терма жамоаси сафарда Уругвай терма жамоасига қарши ўртоқлик учрашувида майдонга тушади.
Ўртоқлик учрашувлари
28 май, душанба
Жанубий Корея — Ҳондурас 2:0
Голлар: 1:0 – 60 Сон Хён Мин, 2:0 – 72 Мун Сон Мин.Туркия — Эрон 2:1
Голлар: 1:0 – 6 Тосун, 2:0 – 50 Тосун, 2:1 – 90, пенальти Дежага.Португалия — Тунис 2:2
Голлар: 1:0 – 22 Андре Силва, 2:0 – 34 Жоау Мариу, 2:1 – 39 Бадри, 2:2 – 64 Бен-Юссеф.Италия — Саудия Арабистони 2:1
Голлар: 1:0 – 21 Балотелли, 2:0 – 68 Белотти, 2:1 – 72 Ал Шаҳрий.29 май, сешанба
Изоҳ (0)