Халқаро тикланиш ва тараққиёт банки Ўзбекистон Ташқи иқтисодий фаолият миллий банки билан республикага «Саноат корхоналари энергия самарадорлигини ошириш» лойиҳасини амалга ошириш учун 50 миллион доллар тақдим этиш ҳақида келишув имзолади. Бу ҳақда Миллий банк матбуот хизмати хабар бермоқда.
Лойиҳа доирасида Ўзбекистоннинг йирик, ўрта ва кичик корхоналари энергия тежовчи технологияларни сотиб олиш учун қўшимча молиявий кўмакка эга бўлади.
«Эскирган ускуналарни ва ишлаб чиқариш жараёнларини модернизация қилиш мамлакат корхоналари рақобатбардошлигини ошириш учун ҳал қилувчи аҳамиятга эга, — деди Жаҳон банкининг Ўзбекистондаги ваколатхонаси раҳбари Хидеки Мори. — Энергия самардорлиги ускуналардан фойдаланиш ва уларнинг хизмат қилиш харажатларини қисқартириш, маҳсулдорликни ошириш, шунингдек, маблағларни тежаш имконини беради».
Ушбу инвестициялар шарофати билан 386 ГВт-соат энергияни тежаш ва атмосферага йилига 799 минг тонна карбонат ангидрид чиқарилишини камайтириш мумкин бўлади.
Изоҳ (0)