Бухорода ноқонуний аукцион савдоларини ўтказиб 16 нафар фуқароларнинг пулларини ўзлаштирган фирибгарларнинг «фаолият»ларига чек қўйилди. Бу ҳақда вилоят ИИБ матбуот хизмати хабар бермқода.
Бухоро шаҳар Таги Чорбоғ кўчаси 40-уйда яшовчи 1986 йилда туғилган «Инфо транс савдо» МЧЖ директори Шуҳратмирзо Мажитов ва 1970 йилда туғилган «Универсал аукцион инвест» МЧЖ директори, Пешку тумани Бобо Хожи МФЙ «Бобо ходим» қишлоғи 44-уйда яшовчи Розиқ Хайруллаевлар олдиндан жиноий тил бириктириб, мансаб ваколатларидан фойдаланган ҳолда Қашқадарё вилоятида яшовчи 16 нафар фуқароларнинг ишончини суиистеъмол қилиб, аслида аукцион савдоларига қўйилмаган 8 та автомашина ва махсус техника воситалари, гўёки Мажбурий ижро буюроси Самарқанд вилояти бошқармаси томонидан ташкил килинган E-ijro Auksion ягона электрон савдо майдончасига аукцион савдоларига чиқарилганлигини айтиб, ушбу ташкил қилинадиган аукцион савдоларидан 8 та автомашина ва махсус техника воситаларини олиб беришни ваъда қилиб, қонунга зид равишда аукцион савдоларини ўтказиб, «Инфо транс савдо» МЧЖ ҳисоб рақамига жами 95 355 840 сўм пулларни кўчирилиши ҳамда улардан жами 5800 АҚШ долларини қўлга киритишга эришиб фирибгарлик йўли билан ўзгаларнинг жуда кўп миқдордаги пулларини ҳамда мулкини қўлга киритганликлари аниқланган.
Мазкур ҳолат юзасидан Шуҳратмирзо Мажитов ва Розиқ Хайруллаевларга нисбатан Ўзбекистон Республикаси Жиноят Кодексининг 168-моддаси (фирибгарлик) 4-қисми билан жиноят иши қўзғатилган.
Изоҳ (0)