Андижон вилоятининг транспорт воситалари серқатнов бўлган чорраҳаларига 94 та видеокузатув камералари ўрнатилди ҳамда улар шу йилнинг 1 июнь кунидан бошлаб қоидабузарликларни автоматик тарзда қайд этишни бошлайди. Бу ҳақда Ўзбекистон Республикаси ИИВ Йўл ҳаракати хавфсизлиги бош бошқармаси матбуот хизматига асосланиб, ЎзА хабар берди.
Ушбу камералар светафорнинг тақиқловчи чироғида ҳаракатланган, узлуксиз чизиқни босган, қарама-қарши йўналишда ҳаракатланган ҳамда тўхтаб туриш тақиқланади йўл белгиси талабларига бўйсунмаган ҳайдовчилар бошқарувидаги автомототранспорт воситаларини қайд этиб бориши режалаштирилган.
Видеокузатув камералари Андижон шаҳри ҳудудидаги 7 та яъни, А.Темур–А.Навоий, А.Темур–З.М.Бобур, Машраб–Лермонтов, Ўзбекистон–Фурқат, Ўзбекистон–З.М.Бобур, Чўлпон–Мустақиллик ва З.М.Бобур–Й.Отабеков кўчалари кесишган чорраҳаларига ўрнатилди. 1 июнь кунигача камералар синов тарзида ишлатилмоқда.
Эслатиб ўтиш керакки, тегишли қонун билан Ўзбекистон Республикаси Маъмурий жавобгарлик тўғрисидаги кодексга махсус автоматлаштирилган фото ва видео техник воситалари орқали қайд этилган йўл ҳаракати қоидаларини бузганлик учун маъмурий жавобгарлик киритилган.
Изоҳ (0)