Ўзбекистонда 2019 йил охиригача йўл-транспорт ҳодисалари ўчоқлари ва автомобиль йўлларининг алоҳида қисмларида ҳаракатнинг вақтинчалик тўхтатилиши ҳақида ахборот олиш имкониятини берувчи мобил дастурни ишлаб чиқиш режалаштирилмоқда, деб ёзади «Газета.uz». Бу Вазирлар Маҳкамасининг 19 майдаги 2018—2022 йиллар учун Йўл ҳаракати хавфсизлигини таъминлаш концепциясини тасдиқлаш тўғрисидаги қарорида назарда тутилган.
Фойдаланувчилар дастур орқали Йўл ҳаракати қоидаларининг бузилиши ва йўл инфратузилмасининг ишдан чиққанлиги ҳақида маълумот юбориши мумкин бўлади. Шунингдек, унинг ёрдамида ЙҲҚни бузганлик учун жарималар тўлаш мумкин бўлади.
Жорий йилнинг кузи охиригача йўл-патруль хизмати инспекторларини маълумотларни узатиш ва қайта ишлаш учун мобил воситалар билан таъминлаш режалаштирилмоқда.
Изоҳ (0)