Наманган шаҳрида 58-анъанавий «Гул байрами»га ҳозирлик ишлари якунига етмоқда. Бу ҳақда «Дарё»га шаҳар ҳокимлиги ахборот хизмати маълум қилди.
Гул байрами Заҳириддин Муҳаммад Бобур номли боғда ўтказилади. Унда 100 дан ортиқ ҳаваскор ҳамда малакали гулчилар иштирок этади.
Байрам 27 май куни соат 9:00 да турфа гуллар билан безатилган автомобиллар паради билан бошланади. Парад «Наманган» халқаро аэропортидан Бобур номли боғ ҳудудигача давом этади.
Сайл шу куни соат 10:00 да очиқ деб эълон қилинади. Унга ташриф буюриш учун 50 дан ортиқ давлатга таклифнома тақдим этилган.
Байрам 3 июнгача давом этади. Унинг энг муносиб иштирокчиларини тақдирлаш учун қимматбаҳо совғалар ажратилган.
Изоҳ (0)