Шундай улуғ кунларда яна нималар қила олишингиз мумкинлигини ўйлаб, тафаккур қилинг, албатта, сармоянгиз жуда улуғ бўлади. Бу ҳақда «Muslim.uz» ҳикоя қилмоқда.
Биз хақир санаган баъзи амаллар Аллоҳ наздида юқори бўлиши мумкин:
Қариндош ва танишларимиз билан орамизда бўлган гина-кудуратларга чек қўяйлик;
Неки эзгулик қилмайлик, иккиланишдан йироқ бўлсин;
Чарчоғингиз сабаб нафл ибодатларга ожизлик қилаётган бўлсангиз, Пайғамбаримиз соллаллоҳу алайҳи васалламга беҳад кўп саловат айтинг;
Расулуллоҳ соллаллоҳу алайҳи васаллам айтганлар: «Рўзадорнинг дуоси рад этилмайди» (Имoм Аҳмад ривояти). Шунинг учун ифторлик пайтида кўп-кўп хайрли дуоларни қилишга шошилинг;
Расулуллоҳ соллаллоҳу алайҳи васаллам: «Садақанинг энг афзали Рамазонда берилган садақадир», деганлар (Имoм Термизий ривояти). Кам миқдорда бўлса ҳам Рамазон ойида баҳолу қудрат садақа қилинг;
Бу ойнинг фазилати ва улуғлигига шубҳа қилмаган ҳолда қилинган ҳар бир амал Аллоҳ ҳузурига тўсиқларсиз боради, иншоаллоҳ.
Таассуфки, шундай воқеаларни гувоҳи бўляпмизки, рамазон ойи ҳам оддий ойларга ўхшаб бормоқда. Баъзида рўза кунларида кўча-куйда қулоққа чалинган беҳаё сўзлардан терингизнинг бир қавати шилиниб тушадигандек, гўё.
Яна шу нарса ажабланарлики, кўплаб ёшу-қарининг «рўза тутишдан кўра ‘мен узрлиман’ фидя бериб қўя қолай, арзон экан-ку?» деган гапларини гувоҳи бўляпмиз. Фидя қоидаси қодир бўла туриб рўза тутмаганлар учун эмас. Озгина нафсимизнинг қийинчилиги деб, охиратга сармоя бўладиган савобли амаллардан осонликча юз ўгирмайлик. Бу улуғ кунлар шукуҳи ва таровати бошқа қайтиб келмайди.
Изоҳ (0)