Бугун, 23 май санасида Бутунжаҳон этноспорт конфедерацияси раҳбари, Камончилар фонди васийлик кенгаши раиси, Туркия ёшлар фонди Олий маслаҳат кенгаши аъзоси Билол Эрдўғон ва «Туркия—Ўзбекистон» парламентлараро дўстлик гуруҳи раиси, Туркия Буюк Миллати Мажлиси аъзоси Ҳайдар Али Йилдиз бошчилигидаги катта делегация Ўзбекистонга келганлиги ҳақида хабар берилганди.
Ташриф аввалида меҳмонлар пойтахтдаги диққатга сазовор жойларга ташриф буюрди. Кейин эса Самарқанд шаҳрига йўл олди. Эрдўғон бошлиқ делегация Самарқандга ташрифни «Гўри Амир» мақбарасини зиёрат қилишдан бошлади. У ерда Соҳибқирон Амир Темурнинг ҳақига қуръон тиловат туширилди.
Сўнгра «Регистон» ансамбли олдидаги катта майдонда камондан ўқ отиш бўйича VI халқаро «Фотиҳ кубоги» мусобақасига бағишланган тадбир ташкил этилди.
Кейин эса делегация аъзолари «Ҳазрати Ҳизр» мажмуасига ташриф буюриб, Ўзбекистоннинг биринчи Президенти Ислом Каримовни ёд этди. Билол Эрдўғон марҳум Президент ҳаққига қуръон тиловат қилди.
Улар учун навбатдаги манзил Имoм ал-Бухорий мажмуаси бўлди. Меҳмонлар ислом оламининг буюк олими Имoм ал-Бухорий мажмуасини зиёрат қилиб, буюк мутафаккир ҳақига дуолар ўқиб, қуръон тиловат қилди.
Маълумот учун Билол Эрдўғон Туркия президенти Ражаб Тоййиб Эрдўғоннинг 3-фарзанди ҳисобланади.
Изоҳ (0)