Beeline Uzbekistan интерконнект (икки оператор тармоқлари ўртасидаги алоқа) ставкаси иши бўйича қуйи суд қарорини қайта кўриб чиқишни талаб қилган UMS компаниясига апелляцияни бой берди. Суд давлат операторининг шикоятини қаноатлантирди. Бу ҳақда Sputnik маълум қилди.
Тошкент туманлараро иқтисодий суди март ойи ўрталарида UMS даъвосини қисман қаноатлантириб, икки оператор ўзаро ҳисоб-китобларида интерконнект ставкасини 42 сўмдан 5 тийингача пасайтириш ҳақида қарор чиқарди. Шу билан бирга, суд амалдаги шартномани қайта кўриб чиқиш ҳақидаги талабни рад этди ва янги нархнинг қарор кучга кирган кундан амалда бўлишини белгилади.
Бунга жавобан UMS апелляция берди ва янги ставка 2017 йил 1 сентябрдан амалда бўлишини талаб қилди.
Юқори суд инстанцияси UMS томонини олди: шартноманинг интерконнект қиймати бўйича шартларининг ўзгариши туманлараро суд қарори кучга кирган пайтдан эмас, балки давлат оператори талаб қилганидек, ўтган йилдан жорий этилади. Агар у 2018 йил апрелидан жорий этилганида, давлат оператори Beeline’га 16,3 миллиард сўм дебитор қардорлигини тўлаб бериши керак бўларди. Энди Тошкент шаҳар иқтисодий судининг янги қарори билан UMS буни тўламаса ҳам бўлади.
«Бу шу йил ҳисобидан иккинчи суд инстанцияси олдинроқ Beeline фойдасига давлат органи ёки давлат операторига қарши қабул қилинган биринчи инстанция судининг қарорини иккинчи маротаба бекор қилиниши. Бу рақобат муҳити учун мақбул эмас, жаҳон тажрибаси ва айтилаётган инвесторлар ҳуқуқлари ҳимоясига ҳам буткул зид. Афсуски, давлат компанияларининг манфаатлари хусусий компанияларнинг қонуний ҳуқуқларидан устун туриши яна бир бор тасдиқланди.
UMS учун мисли кўрилмаган нарсаларга имкон берилмоқда — амалдаги шартномани олдинги сана билан қайта кўриб чиқиш, тўловларни 800 баробардан кўпроққа қисқартириш. Тўғри, бу давлат операторининг маблағларини тежайди, бироқ давлат бюджети солиқ тўловларининг салмоқли қисмини йўқотади. Тармоқ етакчисига бундай иқтисодий босим бозор жозибадорлигини оширишга хизмат қилмайди», — дея суд қарорига изоҳ берди Beeline Uzbekistan бош директори Дмитрий Шуков.
Эслатиб ўтамиз, олдинроқ Beeline Uzbekistan Алоқа, ахборот технологиялари ва телекоммуникациялар соҳасини назорат қилиш давлат инспекцияси томонидан берилган даъвога кўра, 26,9 миллиард сўм (3,3 миллион доллар) жарима тўлаганди.
Изоҳ (0)