Ливаннинг Байрут шаҳрида яшовчи Фотима Отман исмли аёл тиланчилик қилиб, бир миллион доллардан зиёд пул ишлаб топган ва уни ўзининг банк ҳисобварақларига яширган, деб ёзади Arab News.
Юрак хуружидан вафот этган 52 ёшли аёлнинг жасади ташландиқ автомобиль ичидан топилган. Унинг ёнидаги сумкада 5 миллион Ливан фунти (3300 доллар) ҳамда Отман банкда 1,75 миллиард Ливан фунти (1,155 миллион доллар) миқдоридаги маблағни сақлаётгани ҳақида жамғарма китобчаси бўлган. Январдан буён унинг ҳисобварақларидаги маблағ 25 миллион Ливан фунти (16 минг доллар)га кўпайган.
Туғма касаллик туфайли, аёлнинг қўллари ишламаган. Бундан ташқари, у юра олмаган. Аёл 20 йилдан буён бошпанасиз бўлиб, тиланчилик қилиб кун кечирган ва кимдандир ижарага олган машинасида тунаган.
Полиция Отманнинг онаси, икки нафар ака-укаси ва беш нафар опа-сингилларини топди, улар марҳум қариндошининг бойлигидан бехабар бўлган. Улар дафн маросимини ўтказиш учун жасадни ўз она шаҳарларига олиб кетди.
Изоҳ (0)