АҚШ президенти Дональд Трамп Шимолий Корея етакчиси Ким Чен Ин билан 12 июнга режалаштирилган саммит юзасидан хавотирда, деб ёзади «Газета.ru».
The New York Times ўз манбаларига таяниб хабар қилишича, Трамп учрашув сиёсий шармандаликка айланишидан ташвишда, шу сабабли у ёрдамчиларидан бундай хавфга қўл уриш керак ёки керак эмаслиги ҳақида сўрамоқда. Шунингдек, Америка президенти Пхеньяннинг саммитдан воз кечишга тайёрлиги ҳақидаги баёнотидан ҳайратга тушган ва ғазабланган.
Бундан ташқари, Трамп Жанубий Корея президенти Мун Чжэ Инга қўнғироқ қилиб, КХДРнинг сўнгги баёноти унинг аввал айтган гапларига зидлиги сабаби билан қизиққан.
Айни вақтда АҚШ президенти маслаҳатчилари Трамп бўлғуси саммитга ўта катта қизиқиш билдирганидан хавотирда. Улар президент Шимолий Кореянинг ядро дастури ҳақида етарлича маълумотга эга эканлигига ишончи комил эмас.
Аммо айни пайтгача Трамп Ким Чен Ин билан учрашувдан бутунлай воз кечиш истагини билдирмаган, дея таъкидланади хабарда.
Изоҳ (0)