Шаҳзода Гарри ва актриса Меган Марклнинг тўйи Британия қироллик оиласига 43 миллион долларга тушди, деб ёзади BriedBook портали.
Журналистлар тантаналарни тайёрлаш бўйича сервисларга асосланиб, маросимнинг тахминий қийматини ҳисоблаб чиқди. Тахмин қилинишича, маблағнинг катта қисми — 40 миллион доллари қўриқлаш хизматига сарфланган.
Нашр фикрича, тўй ташкилотчилари хизматлари қарийб 150 минг долларга тушган. Мусиқачиларга 400 минг доллардан зиёд сарфланган, гулчиларнинг иши 150 минг, фотосуратчилар ва операторлар хизматлари 23 минг долларга баҳоланди. Журналистлар ҳисоб-китобларига кўра, меҳмонлар учун зиёфатга 385 минг доллар кетган. Тўй торти 65 минг доллар деб баҳоланмоқда.
Аввалроқ Меган Марклнинг келинлик либоси 135 минг долларга тушгани маълум бўлган эди. У кўйлакни Британиянинг Ralph & Russo дизайнерлик уйига буюртма қилган.
Изоҳ (0)