Жорий йилнинг 18 май куни Бухоро вилоят Адлия бошқармаси томонидан Бухоро шаҳридаги «Хўжамушкин» МФЙда жойлашган «Умар ибн Хаттоб» масжиди рўйхатдан ўтказилди. Масжиднинг рўйхатдан ўтказилганлиги тўғрисидаги гувоҳнома диний ташкилотга бориб тантанали равишда топширилди. Бу ҳақда Адлия вазирлиги матбуот хизмати хабар берди.
Диний ташкилот аъзолари билан суҳбат ўтказилиб, уларга Ўзбекистон Президентининг 2018 йил 16 апрелдаги «Диний-маърифий соҳа фаолиятини тубдан такомиллаштириш чора-тадбирлари тўғрисида» фармони ва соҳа фаолиятини тартибга солувчи норматив-ҳуқуқий ҳужжатларнинг мазмун-моҳияти, устав талабларига риоя қилиш шартлари тушунтирилди.
Мазкур диний ташкилотнинг рўйхатдан ўтказилиши ўша ҳудудда ноанъанавий диний оқимларнинг ёйилиб кетишини олдини олишга, аҳолининг, айниқса, ёшларнинг турли хил диний оқимларнинг таъсирига тушиб қолишидан сақлашга хизмат қилади.
Изоҳ (0)