Joriy yilning 18-may kuni Buxoro viloyat Adliya boshqarmasi tomonidan Buxoro shahridagi “Xo‘jamushkin” MFYda joylashgan “Umar ibn Xattob” masjidi ro‘yxatdan o‘tkazildi. Masjidning ro‘yxatdan o‘tkazilganligi to‘g‘risidagi guvohnoma diniy tashkilotga borib tantanali ravishda topshirildi. Bu haqda Adliya vazirligi matbuot xizmati xabar berdi.
Diniy tashkilot a’zolari bilan suhbat o‘tkazilib, ularga O‘zbekiston Prezidentining 2018-yil 16-apreldagi “Diniy-ma’rifiy soha faoliyatini tubdan takomillashtirish chora-tadbirlari to‘g‘risida” farmoni va soha faoliyatini tartibga soluvchi normativ-huquqiy hujjatlarning mazmun-mohiyati, ustav talablariga rioya qilish shartlari tushuntirildi.
Mazkur diniy tashkilotning ro‘yxatdan o‘tkazilishi o‘sha hududda noan’anaviy diniy oqimlarning yoyilib ketishini oldini olishga, aholining, ayniqsa, yoshlarning turli xil diniy oqimlarning ta’siriga tushib qolishidan saqlashga xizmat qiladi.
Izoh (0)