Тошкент вилоятининг маъмурий маркази Нурафшон шаҳри мактаблари ўртасида 19 май куни «Заковат» турнири бўлиб ўтди. Бу ҳақда «Заковат» интеллектуал клуби аъзоси Хушнуд Худойбердиев «Дарё»га маълум қилди.
Мусобақа Нурафшон шаҳар прокурори Жаҳонгир Муратов ташаббуси асосида шаҳар халқ таълими бўлими билан ҳамкорликда ташкил этилган ва ғолиб жамоага махсус кубок топширилган.
Интеллектуал мусобақада Нурафшон шаҳрининг 13 та мактабидан жами 26 та жамоа — ҳар бир мактабдан иккитадан жамоа иштирок этган.
Жамоаларга 24 та савол берилди ва улар ўз жавобларини махсус қоғоз бланкларга ёзган ҳолда тақдим этди. Ҳар бир тўғри жавобга 1 очкодан берилди. Якунда энг кўп тўғри жавоб берган жамоа ғолиб бўлди.
Умумий натижаларга кўра, 13-мактабнинг «Қалқон» жамоаси 12 очко билан 1-ўринни, 62-мактабнинг «Respect» жамоаси 11 очко билан 2-ўринни, 9-мактабнинг «Нур» жамоаси эса 9 очко билан 3-ўринни қўлга киритган.
Тадбир якунида бу каби турнирлар доимий равишда ўтказилиши ва кўчма кубок ташкил қилиниши ҳақида маълум қилинган.
Изоҳ (0)