2018 йил январь ойида Ўзбекистон футбол ассоциацияси (у вақтда ЎФФ) ва «Реал Мадрид» клуби академияси директори вакиллари учрашуви давомида «Қироллик клуби»нинг Real Madrid Foundation Clinic дастури асосида Ўзбекистонда «Реал Мадрид» клубининг футбол мактаби очилиши бўйича келишувга эришилганди.
Мазкур учрашувда «Реал Мадрид» клубининг футбол мактабини очишдан ташқари «Қироллик клуби»да фаолият юритаётган мураббийларни Ўзбекистонга олиб келиш, улар иштирокида футбол мактабларида машғулотлар ўтказиш, футболчилар билан ишлаш жараёнлари ҳақида ўз тажрибалари билан ўртоқлашиш бўйича битим ҳам имзоланганди.
Ушбу келишувга асосан жорий йилнинг июнь ойида Ўзбекистонга «Қироллик клуби» скаутлари ва мураббийлари ташриф буюради.
Ташриф доирасида республикада фаолият юритаётган болалар футболи мураббийлари учун семинарлар, амалий машғулотлар ва бошқа турли тадбирлар ўтказилиши режалаштирилган.
Бундан ташқари «Бунёдкор» стадионида 2006 йилда таваллуд топган футболчилар ўртасида «Реал Мадрид кубоги» мусобақаси ўтказилади. Ушбу мусобақани «Қироллик клуби» скаутлари ва мураббийлари бевосита стадиондан кузатиб боради.
Изоҳ (0)