Туркманистон қонунчилигига мувофиқ чет эл фуқаролари, жумладан Ўзбекистон Республикаси фуқаролари Туркманистон ҳудудига киргандан сўнг ва белгиланган манзилга етгунларига қадар, шунингдек, давлат ҳудудида турар жойи ўзгарган ҳолларда турар жойи бўйича миграция хизмати органларида мамлакатга кирган кунини ҳисобламаганда уч иш куни ичида рўйхатдан ўтиши лозим. Бу ҳақда Ўзбекистон Ташқи ишлар вазирлиги хабар берди.
Турманистон ҳудудидан транзит ўтувчи Ўзбекистон Республикаси фуқаролари, агар уларнинг Туркманистонда бўлиш муддатлари кирган кунини ҳисобламаганда 5 кундан ошмаса, фақат миграция назорати постларида рўйхатдан ўътадилар.
Халқаро йўналишларда юк ташиш билан шуғулланувчи ўзбек автотранспорт воситаларининг ҳайдовчилари, агар уларнинг Туркманистонда бўлиш муддатлари 5 кундан ортиқ бўлмаган муддатни ташкил этса, фақатгина Туркманистон давлат чегарасидаги миграция назорати постларида аҳоли пунктлари йўналишида, шунингдек, белгиланган манзилларга транспорт-ташиш ишларини амалга оширишда рўйхатдан ўътадилар. Агар уларнанг Туркманистонда бўлиш муддати давлат ҳудудига кириш санасидан бошлаб 5 (беш) кундан ортиб кетса, у ҳолда кириш санасини қўшиб ҳисоблаганда 15 кунгача бўлган муддатга Туркманистон миграция хизмати органларида рўйхатдан ўътадилар.
Мазкур қоидаларни бузганлик учун фуқаролар 1330 манат (380 $) миқдорида молиявий жаримага тортилади ҳамда 2 йилдан 5 йилгача бўлган муддатга мамлакатдан депортация қилинади.
Жамоат жойларида чекиш тақиқланади!
Туркманистонга нос (чайналадиган тамаки) олиб кириш тақиқланади (тақиқланган моддалар рўйхатига киради).
Изоҳ (0)