Тўрт-беш ой ичида Тошкентда кўчалар, жамоатчилик жойларини реконструкция қилиш ва шаҳар дизайн-кодини яратиш бўйича синов лойиҳалари ишлаб чиқилади, деб ёзади «Газета.uz».
17 май куни Тошкентга Россиянинг стратегик консалтинг, шаҳарни режалаштириш ва лойиҳалар бошқаруви хизматларини тақдим этувчи «КБ Strelka» компаниясининг бир гуруҳ меъморлари етиб келди. Улар Тошкент шаҳар ҳокими вазифасини бажарувчи Жаҳонгир Ортиқхўжаев ва шаҳар идоралари раҳбарлари билан учрашди. Учрашувда «КБ Strelka» Тошкентда яқин ойлар ичида шуғулланадиган лойиҳалар тафсилотлари муҳокама қилинди.
«КБ Strelka» маъморлари намунали чорраҳа, пиёдалар зонаси, ёритиш, шаҳар мебели, киоск ва жамоатчилик транспорти бекатининг дизайн лойиҳаларини ишлаб чиқади.
Ишчи гуруҳ лойиҳа учун Бобур, Нукус, Шаҳрисабз, Шота Руставели, Навоий ва Амир Темур кўчаларини кўриб чиқмоқда. Якуний қарорга келинганича йўқ.
Кўчалар билан ишлашдан ташқари, «КБ Strelka» фавворалар, шаҳар дизайн-коди билан шуғулланади ва метро бекати ёнида намунали майдонни режалаштиради. Лойиҳа «Тошкент сизни севади» деган шиорга эга бўлди.
Изоҳ (0)