Собиқ иттифоқ халқ артисти Алла Пугачёва қарийб ўн йилдан буён биринчи марта яккахон концертини тақдим этди, деб ёзади «Газета.ru». Концерт 16 май куни Санкт-Петербургдаги Михайловский қасрида ёпиқ тадбир доирасида бўлиб ўтди.
Гувоҳлар сўзларига кўра, Пугачёва ўз қўшиқларини жонли ижро этган ва ажойиб кўринишда бўлган.
Алла Пугачёва концерти давомида томошабинларга овози бошқача бўлса-да, қайтиб келаётганини айтган ва келаси апрелда 70 ёшга тўлиши муносабати билан юбилей концертини уюштириши мумкинлигини билдирган.
Нашр эслатишича, Пугачёванинг охирги яккахон концерти қарийб ўн йил аввал бўлиб ўтган, ўшанда саҳнадан қисман кетиши ҳақида Примадоннанинг ўзи эълон қилиб, катта концерт ва гастроль фаолиятига нуқта қўйишини айтган. Бу қарорини хонанда саломатлиги билан боғлиқ муаммолар ва операциялар натижасида овозидаги ўзгаришлар билан изоҳлаган.
Изоҳ (0)