Шаҳзода ва Лола 1 июнь — Халқаро болаларни ҳимоя қилиш кунига атаб дуэт куйлади

Хонандалар Шаҳзода ва Лола ижодий ҳамкорликни бошлади, деб ёзади «Darakchi.uz».

«Шоу-бизнеснинг энг машҳур вакиллари, узоқ йиллардан буён бир-биридан аразлаган эди. Бугун эса биргаликда ижодий ҳамкорликни бошлашган. Гап-сўзларга қараганда таклифни Лола Йўлдошеванинг ўзи билдирди», — дейилади хабарда.

Хонандалар 1 июнь — Халқаро болаларни ҳимоя қилиш кунига бағишланган «Қўлингда имкон» номли дуэт қўшиқни ижро этмоқда.

https://www.instagram.com/p/Biw1h9OnaSJ/?taken-by=sanjarmatkarimov

https://www.instagram.com/p/BixEQOqg9BM/?hl=en&taken-by=lolaofficial_

Қайд этилишича, дуэтнинг бир қисмини Ўзбекистон халқ артисти Озодбек Назарбеков, Ўзбекистонда хизмат кўрсатган артист Улуғбек Раҳматуллаев ва хонанда Шаҳриёр ҳам куйлаган.

Ғоя муаллифи — Лола Йўлдошеванинг ўзи. Мусиқа Шуҳрат Зокировга тегишли. Клипмейкер Санжар Маткаримов, оператор Рустам Муродов.

https://www.instagram.com/p/BipJBtlDE1h/?tagged=%Д0%БА%D1%83%Д0%ББ%Д0%Б8%Д0%БД%Д0%Б3%Д0%Б4%Д0%Б0%Д0%Б8%Д0%БC%Д0%БА%Д0%БЕ%Д0%БД

Клипнинг тасвирга олиш жараёни Самарқанд ва Тошкентда, хусусан Алишер Навоий номидаги Давлат академик катта театрида, «Бунёдкор» стадионида, эски шаҳар кўчалари ва тоғли ҳудудларда бўлиб ўтди. Клипда Ўзбекистон халқ артисти Маҳмуд Исмоилов, таниқли футболчи Сардор Рашидовлар суратга тушди.

Қайд этилишича, клипда Лоланинг ўғли Шоҳдиёр ҳам рол ижро этган.

https://www.instagram.com/p/Bi0wmfmhsuq/?tagged=qolingdaimkon