15 майнинг эътиборга молик янгиликлари — «Дарё»нинг кечки дайжестида.
1. Ўзбекистон Президенти АҚШга жўнаб кетди. Хабар беришларича, Шавкат Мирзиёевнинг АҚШга ташрифи давомида 8,5 млрд долларлик битимлар имзоланиши кутилмоқда.
2. Ўзбекистонда абонент мобил алоқа операторини ўзгартирганда телефон рақамини сақлаб қолиши тартиби жорий этилади. UMS’дан олинган рақам билан энди бемалол «Билайн» абоненти бўла оласиз. Шунақа ваъда беришяпти, ҳар ҳолда.
3. Тошкентда белгиланмаган жойда автомобилни қолдириш қоидабузарлиги фото тасвирлар орқали расмийлаштирила бошланди. Тан бериш керак — шаҳар аввалига ортиқча «Тўхташ тақиқланган» белгиларидан тозаланди.
4. Метро қурилиши сабабли Тошкентнинг айрим ҳудудларида совуқ сув бўлмайди. Бу эълон асосан Яшнобод, Сергели, Миробод, Яккасарой туманларининг айрим ҳудудларига тааллуқли.
5. Бугун 2019 йил учун «Грин кард» лотереяси натижалари эълон қилинади. Тошкент вақти билан 21:00 дан бошлаб АҚШ яшил картасини қўлга киритганмисиз-йўқ, текшириб кўришингиз мумкин. Агар лотереяда қатнашган бўлсангиз, албатта.
6. Япониялик темирйўлчилар поезд 25 сония эрта жўнаб кетганлиги учун кечирим сўради. 25 сония — бу ҳатто ярим минут ҳам эмас! Дунёда қандай ғалати мамлакатлар, қандай қизиқ одамлар бор-а!
Изоҳ (0)