Ўзбекистонда адвокат сўровининг бажарилиш тартибини бузган шахслар жазоланади

Адвокат сўровининг бажарилиш тартибини бузган шахслар жазоланади, деб хабар беради Адлия вазирлиги Telegram’даги «Ҳуқуқий ахборот» каналида.

Президент Фармонига мувофиқ:

адвокатларнинг ўзларининг ҳимоя остидаги шахслар билан учрашуви бегона шахсларнинг қатнашувисиз ўз вақтида ва ҳеч қандай тўсиқларсиз амалга оширилиши таъминланади;

адвокатлар монеликсиз суд биносига компьютер, мобил ва бошқа алоқа воситаларини олиб кириш ҳуқуқига эга;

адвокатларнинг сўровлари кўпи билан ўн беш кун муддатда бажарилиши шартлиги белгиланди;

адвокат сўровининг бажарилиш тартибини бузган мансабдор шахслар адвокатларнинг судларга мурожаатига асосан жавобгарликка тортилади;

адвокатлик бюролари турар жойларда фаолият юритиши мумкин.