Туркиядаги Efes—2018 ҳарбий машғулотларида Ўзбекистон ҳам қатнашмоқда

Туркиядаги Efes—2018 халқаро ҳарбий машғулотларида Ўзбекистон вакиллари ҳам иштирок этмоқда, деб хабар беради Sputnik.

Измирдаги Дўғонбей полигонида ўтказилган машқларни Туркия ва Озарбайжон мудофаа вазирлари, Ўзбекистон, Грузия, Қозоғистон, Судан, Босния ва Герцеговина, Кувайт, Нигерия, Қатар, Руминия бош штаблари бошлиқлари, Ислом давлатлари антитеррорчилик коалицияси қўшинлари бош қўмондони Рахил Шариф, жами 38 мамлакатнинг 65 вакили кузатиб борган.

Хабар қилинишича, машғулотларга 7500 киши, жумладан, АҚШ, Озарбайжон, Бангладеш, Баҳрайн, Буюк Британия, Босния ва Герцеговина, Жазоир, Грузия, Италия, Иордания, Қозоғистон, Косово, Кувайт, Венгрия, Македония, Малайзия, Моғулистон, Ўзбекистон, Покистон, Руминия, Словакия, Саудия Арабистони, Иорданиядан 945 нафар ҳарбий жалб этилган.