Фарғона вилояти Учкўприк туманида Ўзбекистон Ёшлар иттифоқининг туман кенгаши раиси етти нафар ота-онасидан эрта маҳрум бўлган ва эҳтиёжманд болаларга суннат тўйи қилиб берди. Бу ҳақда «Дарё»нинг Фарғона вилоятидаги мухбири хабар берди.
Хайрия тўйи «Камалак» болалар ташкилоти сардорларининг «Ватан, дўстлик ва бахтли болалик учун!» деб номланган анжумани давомида ўтказилди. Маҳаллий ҳокимлик ва тадбиркорлар кўмагида ташкилланган тўй тадбирида болаларнинг яқин қариндошлари ва синфдош дўстлари меҳмон бўлди.
«Суннат тўйи бўлаётган болалар орасида ўқувчим Рустамжон ҳам бор. Таниқли санъаткорлар иштирок этган бундай файзли тўйни, болаларга берилган совғаларни, эътиборни кўриб кўзларимга ёш келди», — дейди 33-мактаб ўқитувчиси Моҳира Ҳожибоева.
Изоҳ (0)