Ўзбекистоннинг заиф эшитувчилар терма жамоаси Жанубий Кореяда бўлиб ўтган Осиё чемпионатидаги ўз иштирокини якунлади. Бу ҳақда ЎФА матбуот хизмати хабар берди.
Муроджон Аҳмедов бошчилигидаги Ўзбекистон терма жамоаси мусобақанинг «А» гуруҳида Жанубий Корея, Малайзия, Япония терма жамоалари билан бир гуруҳдан жой олганди.
Ўзбекистон гуруҳдаги ўйинларда қуйидаги натижалар қайд этди:
- Ўзбекистон – Япония 0:2
- Малайзия – Ўзбекистон 4:2
- Жанубий Корея – Ўзбекистон 5:0
Ўзбекистон термаси 4 май куни «B» гуруҳидаги Саудия Арабистони терма жамоасига қарши баҳс олиб борди ва 2:1 ҳисобида мағлубиятга учради. Натижада терма жамоа Жаҳон Чемпионатига йўлланма берувчи 1-5 ўринлар учун курашиш имкониятини йўққа чиқарди.
7-8-ўрин учун кечган ўйинда Ўзбекистон терма жамоаси Уммонни 7:2 ҳисобида мағлубиятга учратди.
Шу тариқа Ўзбекистон Осиё чемпионатида 7-ўрин билан кифояланди.
Изоҳ (0)