Россия ҳукумати раҳбари Дмитрий Медведев вазирлар маҳкамасининг ваколати тугагани ҳақидаги фармойишни имзолади, деб хабар беради «РБК».
Бу бугун, 7 майдан эътиборан Владимир Путин Россия президентлигига тўртинчи бор сайланиб, вазифасига киришганидан сўнг юз берди.
Россия конституциясининг 116-моддасида янги президент сайланганидан сўнг эски ҳукуматнинг истеъфога чиқиши кўзда тутилган.
Эндиликда мамлакат конституциясининг 11-моддасига кўра, президент икки ҳафта ичида Давлат думасига янги бош вазир лавозимига номзод кўрсатиши керак. Вазирлар маҳкамасининг янги таркиби тасдиқлангунига қадар эски ҳукумат президент топшириғига кўра ишлайди.
Изоҳ (0)