Украинанинг Киев вилояти божхоначилари Борисполь аэропортида контрабанда йўли билан олиб келинган беш килограмм кокаинни қўлга олди. Гиёҳванд модда Жанубий Америкадан етиб келган эди. Божхоначиларнинг эътиборини Панамадан етиб келган ва «Шахсий фойдаланиш учун мўлжалланган роликли коньки намуналари» деб ёзилган юк тортган. Бу ҳақда «Корреспондент.net» хабар берди.
Божхона ходимлари бундай жўнатма мазкур ҳудуд учун ноодатий эканлигини қайд этиб, уни текширувдан ўтказишга қарор қилган.
Натижда Киевда яшовчи эркак Жанубий Америкадан спорт анжоми буюртма қилиб, мамлакатга гиёҳванд модда олиб кирмоқчи бўлгани аниқланган. Контрабанда жўнатма ичига жуда ишончли яширилган эди.
Изоҳ (0)