Туркия Халқ-республикаси партияси президентлик сайловида қатнашувчи ўз номзоди исмини маълум қилди

Туркиянинг асосий мухолифатчи Халқ-республикаси партиясининг (ХРП) парламент фракцияси Муҳаррам Инжени президентлик сайловларида ўзини номзод этиб кўрсатди, деб хабар беради «Вести Кавказа».

54 ёшли Инже — Ялова вилоятининг депутати ҳисобланади. ХРПнинг февраль ойида бўлиб ўтган сўнгги йиғинида у партиянинг амалдаги етакчиси Камол Қиличдарўғлига рақиблик қилганди.

Ҳукмрон Адолат ва ривожланиш партияси президентлик сайловига номзод сифатида амалдаги президент Ражаб Тоййиб Эрдўғон исмини кўрсатган. Эслатиб ўтамиз, Туркияда муддатдан олдинги президентлик ва парламент сайловлари 24 июнь куни бўлиб ўтади.