АҚШ президенти Дональд Трамп Пентагонга Жанубий Кореядаги ҳарбий хизматчилар сонини қисқартириш бўйича таклиф беришни буюрди, деб хабар беради «Корреспондент.net».
Қайд этилишича, ҳарбий хизматчилар сонини қисқартириш масаласи кутилаётган Трамп ва КХДР раҳбари Ким Чен Ин учрашувида муҳокама қилинмайди.
Жанубий Корея ва КХДР ўртасида тинчлик сулҳи имзоланиши ярим оролда 23,5 минг нафар аскар сақлашга эҳтиёж қолдирмайди.
Трамп аввал ҳам Жанубий Кореядаги ҳарбий хизматчилар сонини қисқартиришни хоҳлаган эди. Хусусан, у ҳарбийларини жойлаштиргани учун муносиб маблағ олмаётганини маълум қилган.
2018 йилнинг сўнгида якунланадиган келишувга кўра, Жанубий Корея АҚШга ҳарбий қисм харажатларининг ярмини яъни йилига 800 миллион доллар тўлайди. Трамп маъмурияти эса Жанубий Кореядан ҳарбий қисм харажатларини тўлиқ тўлашни талаб қилмоқда.
Изоҳ (0)