9 май куни Самарқандда ғалаба паради ўтказилади

Самарқанд вилоятида 9 май — Хотира ва қадрлаш куни тантаналарига тайёргарликлар давом этмоқда, деб ёзади «Zarnews.uz».

Шодиёна куни Мотамсаро она ҳайкалига гул қўйиш маросими ўтказилгач, Кўксарой майдонида Иккинчи жаҳон уруши даврининг ҳарбий техникаси намойиш этилади.

Парадда уруш қатнашчилари ва меҳнат фронти фахрийлари электрокарларда ўтади. Шунингдек, улар дала ошхонасида тайёрланган таомлар билан сийланади.

Шундан сўнг «Нуроний» жамғармасига 16 та Damas ва битта Captiva автомобиллари топширилиши маросими ўтказилади.

Фахрий нуронийлар учун «Bagishamal garden»да дастурхон ёзилади.