2011 йилнинг қишида Ғофур Ғулом боғига кўчириб ўтказилган генерал Собир Раҳимовнинг Тошкентдаги ҳайкали яна ўз жойига қайтарилади. Бу ҳақда Шавкат Мирзиёев 2 май куни Норин туманида бўлиб ўтган йиғилишда маълум қилди, деб хабар беради «Газета.uz».
Давлат раҳбарининг таъкидлашича, ҳайкалнинг жойига қайтарилиши тарихий адолатнинг қайта тикланиши бўлади.
Мазкур ҳайкал (1981 йилда очилган) бунга қадар Собир Раҳимов ҳокимияти биноси қаршисида жойлашган эди. 2010 йил охирида туман Олмазор номи ўзгартирилган. Шунингдек, «Собир Раҳимов» метро бекати ҳам «Олмазор» дея номланган..
Собир Раҳимов 1902 йилда Тошкентда туғилган. Иккинчи жаҳон урушида иштирок этган ва 1941—1945 йиллар давомида бир неча бор жароҳат олган. 1944 йилнинг ноябрида иккинчи Белорус фронтининг 65-армиясига қарашли 37-сонли ўқчилар дивизияси командири этиб тайинланган. 1945 йили урушда ҳалок бўлган. Унинг жасади Тошкентда дафн этилган. 1965 йилнинг 6 майида унга (вафотидан сўнг) Совет Иттифоқи Қаҳрамони унвони топширилган.
Эслатиб ўтамиз, 26 апрель куни ўтказилган видеоселектор йиғилиши давомида Шавкат Мирзиёев ҳозирги кунда «Истиқлол» деб аталадиган собиқ Халқлар дўстлиги саройига унинг эски номи қайтаришни, шунингдек, санъат саройи қаршисига Шомаҳмудовлар оиласи ҳайкалини қайта ўрнатишни таклиф қилган эди.
Изоҳ (0)