2017 йилнинг апрелида Стокгольмда теракт содир этганликда айбланаётган Ўзбекистон фуқароси Раҳмат Оқиловга нисбатан ҳукм 7 май куни эълон қилинади, деб хабар берди Sputnik.
2017 йилнинг 7 апрель, жума кунида Стокгольм марказидаги йўловчилар юрадиган кўчаларнинг бирида юк машинаси одамлар устига қараб бостириб борган. Орадан 500 метрдан зиёд масофа ўтгач, у Ahlens савдо маркази биносига бориб урилган. Беш киши ҳалок бўлган, 15 киши турли даражадаги жароҳатларни олган. Стокгольм ҳукумати рўй берган воқеани теракт деб тан олган.
Терактни содир этганликда Ўзбекистон фуқароси 40 яшар Раҳмат Оқилов гумон қилинмоқда. У жиноят содир этилган кунда ҳибсга олинган ва ўша вақтдан буён қамоқда сақланиб келинмоқда.
«Мазкур ҳолат теракт ёки алоҳида содир этилган жиноят сифатида баҳоланишидан қатъий назар жиноятчи умрбод қамоқ жазосига маҳкум этилади», — дейди айбланувчининг адвокати Йохан Эрикссон.
Адвокатнинг айтишича, Оқилов тергов бошида ўз айбини тан олиб жиноят ишини анча енгиллаштирган.
Изоҳ (0)